t_700_450_16777215_00_images_2e32cb42-89dd-41b1-b634-91e12d21f383_copy_copy.jpeg

Бүгүн миэхэ истиҥтэн истиҥ, сырдык, кэрэ өйдөбүллээх дьоро күн тосхойдо. Ис сүрэхпиттэн дириҥник ытыктыыр, барыбытыгар өрүү үтүө эрэ өйдөбүлү хаалларбыт ийэм үөлээннээҕэ, бииргэ үлэлээбит дьүөгэтэ, оҕо сааһым доҕотторун ийэлэрэ Старостина Мария Григорьевна 95 сааһын томточчу туолла.

Мария Григорьевна, мин ийэм курдук, эмиэ элбэх оҕону соҕотоҕун иитэн, үөрэттэрэн, киһи оҥортообут хоһуун сүрэхтээх саха Далбар хотуна.  Ыччаттара бары улахан үлэһит дьон буолан, ийэлэригэр элбэх сиэни бэлэхтээн, толору дьоллоон, кырдьар сааһыгар нус-бааччы олороруттан үөрэбин.  Кини олоҕо, үөрэҕэ суох дьахтарга, чэпчэки буолбатах этэ.  Ол эрэн хайа да үлэттэн чаҕыйбат буолан, мин ийэбинээн уһун сылларга оҕо саадыгар хара үлэһитинэн, ньээҥкэннэн үтүө суобастаахтык үлэлээн баран, пенсияҕа тахсыбыттара. Тапталлаах ийэм кэриэтэ күндүтүк, истиҥник-иһирэхтик саныыр ытык киһибэр Мария Григорьевнаҕа 95 сааһынан этэҥҥэ чэгиэн, чэбдик сылдьарыгар, оҕолорун, сиэннэрин, хос сиэннэрин ортотугар дьоллоохтук уһуннук олороругар сүһүөхтээх бэйэм сүгүрүйэн туран, бастыҥ баҕабын тиэрдэбин.

Мария Григорьевна ыччаттара аныгы сайдыылаах үйэҕэ олоххо миэстэлэрин бигэтик булан, ийэлэрин ыра оҥостубут ыллыктаах үтүө санаатын кэрэһиттэрэ буолан, саргылаах олоҕу  салгыы айа-тута сылдьыылара ытык киһи дьоло буолар дии саныыбын.

Фотогалерея

Видеоматериалы

{nomultithumb}

Программа "Честный разговор" с участием Главы Якутии Егора Борисова. Запись эфира телеканала НВК "Саха" 26 октября 2017 года.

Полезные ссылки

  1. President rf
  2. President rf
  3. sovet_federatziy
  4. Dvfo
  5. sakha.gov.ru
  6. Gosuslugi
  7. Mfc